已故全國政協副主席霍英東的長房三子霍震宇，早前入稟法庭，控告胞兄Ian霍震寰侵吞十六億元遺產及家族公司股份，令全城轟動。Ian早前曾發表聲明，表示對訴訟事件感到心痛。尋日見Ian一支公喺中環食晏，記者上前問到呢場爭產風波時，Ian話事件如今已進入司法程序，唔想講太多，但佢承認兄弟姊妹間有為此事感到不快。見慣風浪嘅佢，有信心事件只係家庭小事一樁，最終會傾得掂喎。農曆年將至，佢嘅新年願望係想家和萬事興。