政壇：搞搞政：蛇齋餅糉登新詞榜
建制派喺今屆區議會選舉大勝，事後被泛民主派指控以「蛇齋餅 」籠絡街坊選票。「蛇齋餅 」呢個新詞亦因而變得深入民心，仲成為香港地區中文新詞榜嘅第三名，而排頭兩位就係俗稱「額印」嘅額外印花稅同霸佔租用政府體育場地嘅「炒場黨」。至於畀「劏房」面積仲細嘅「棺材房」則排名第四。
香港教育學院語言資料科尋日公布二○一一年泛華語地區中文新詞榜，並劃分香港地區、世界性等六個類別，根據各地區傳媒出現頻率與新聞性等因素選出。在內地多個省市都有發生嘅「茉莉花革命」，喺世界性中文新詞中排名第二位，首位由代表歐債危機嘅「希債」、「意債」奪得。
