政壇：龔仁心做大義工月薪百元
華懋慈善基金喺已故華懋集團主席龔如心嘅千億遺產案中終極勝訴，華懋慈善基金主席龔仁心（圖）不敢怠慢，即時投入慈善及義工工作。
身兼華懋集團執行董事兼管治委員會主席嘅龔仁心決定身體力行，自爆佢今年將會踏入人生一個新階段，因為佢由今年開始每個月只收一百蚊人工，佢話︰「總之自己嘅人工上限同下限都係一百蚊，有乜行差踏錯都由呢一百蚊開始扣（減）。」
佢自動減人工回饋社會，但對華懋員工則繼續有情有義。佢話華懋旗下員工加薪、分紅同雙糧都有，反而笑言自己冇人工點會有分紅喎。至於新春佳節期間會否外遊充電，佢話暫時未有計劃，反而佢一直記掛在心頭嘅係，佢由今年開始減咗人工，應該更落力做好義工同埋慈善有關嘅工作喎。
