市民嘆牙煙倡加強培訓

【本報訊】「警察咁容易畀人埋身搶槍，好牙煙囉！」發生搶警槍的休憩公園，位於觀塘鬧市裕民中心與裕民大廈之間，附近銀行商店林立，行人川流不息。有市民認為，警察在鬧市遇襲更險被搶槍，顯示其危機意識不足，擔心不法之徒一旦成功搶槍，後果不堪設想，建議加強警員培訓。

徐先生及女友陳小姐對於搶槍事件，均異口同聲表示：「唔一定係警員問題，今次始終係個別事件，但係香港警察警覺性真係偏低，咁容易畀人埋身搶槍好牙煙！今次好彩無事，萬一真係畀人搶到咁點算？」他建議警方加強對前線警員的培訓。

從事文職的李小姐表示，事發時她正在附近上班，對事件感到震驚，「可能香港人生活太繁忙，精神壓力太大，有人做出越軌行為都唔出奇，發生啲咁嘅事，我以後行過嗰度都會小心啲！」

現場附近一間電訊公司的職員表示，事發時他們正埋首工作，沒有目擊事發經過，而店舖閉路電視鏡頭雖然面向休憩公園，可惜沒有拍下搶槍過程。