SUN世代：囡囡瞓咗先搏殺
「I love you daddy……」訪問期間，突然傳來一把小女孩的可愛聲音，原來曾家偉用了三歲女兒的歌聲做電話鈴聲。說起女兒，原本健談的曾家偉就更滔滔不絕。「佢好鍾意唱歌，好有語言天分。平時返學都係講英文，喺屋企有時又會同佢講英文，但一見到唔識英文嘅長輩，佢會識得自動轉channel講廣東話。」
曾家偉坦言，家庭是工作的最大推動力。「為咗佢哋，我從來都唔覺得辛苦。」所以不論工作多繁忙，曾家偉出trip總會帶同家人，爭取見面時間；又堅持每天準時收工，返屋企陪家人吃飯。「通常我會等個女瞓咗，先開始做公司嘢。」愛女之情盡在不言中。說完女兒，再說老婆，曾家偉更是心存感激。「開第一間分店時，佢佗住BB同我一齊睇舖。多謝佢同我一齊捱過好多。」
妻子和女兒，是曾家偉最大的推動力。
曾家偉做過土木工程相關工作，不時到地盤抽取泥土樣本檢驗。