SUN微博
如此道理 尹桅迅(香港)
煲呔行過門常開花園,死雀從天而降,大嗌:「禽流雀呀!」周一鑊急忙澄清:「隻雀住喺新總部,係死於退伍軍人症!」
奶的禍 Andy仔(香港)
內地婦湧港生仔,因為香港奶粉好!
港婦唔肯生仔,因為香港奶粉貴!
港男北上泡妞包二奶,因為內地人奶品質佳!真他奶奶的!
堅忍是美德 懼廁症(香港)
新聞報道:門常開有大批高官因忍尿過度中尿毒入院。
2011年潮語大串燒 奧料時(香港)
丈夫被妻子捉正黃腳雞,心諗金翅××鳥。「我爸是李剛。」妻子怒喝:「我要你一日死五次都得!」「婚外情,」丈夫乾咳一聲,「只係甚具娛樂性嘅課外活動。」「I think that is completely rubbish!」妻子憤極撂下一句就走。「隨便你。不過奉勸你一陣唔好揸車,因為——」丈夫輕搖床邊的紅酒杯,呷一口:「剛愎自用加上勇往直前,好容易車毀人亡。」
大國模式 張能卦(香港)
記者為「2011年大國金句」專題採訪了1,000,000,000位美國和中國市民。結論90%美國人:「成功需苦幹。」99%中國人:「成功需父幹。」
威震寰宇蝙蝠俠 恭應湘(香港)
超級英雄蝙蝠俠出訪山東竟不敵幾條地頭蟲,灰頭土臉被逐。強國公安一臉滿不在乎,皮笑肉不笑解釋:「孔孟之鄉不語怪力亂神!」
經典低B級兒歌三首 詞:浩賢(CASH):
1.煲呔亂領導(原曲:小時候)
煲呔的領導,天真兼冇路,
公公上,煲呔笑,絕對不人道。
*煲呔亂領導,悲哀兼憤怒,
睇通了,得餐笑,無謂嘔白泡。*
佢亂咁噏大計滔滔,全部冇兌現,
混到今日快收工,天天都等運到。
(重唱*)
2.港女心聲(原曲:ABC字母歌)
男孩搵伴都北上,港女今天失方向。
北方美女殺落嚟,豐胸美甲等包養。
男孩個個都北上,港女孤單不歡暢。
3.防禽流之歌 (原曲:London Birdge is falling down)
有隻雀仔跌落水,防疾控,做到足。
咪畀細路亂咁執,病菌,好毒。
溫馨提示:以上歌曲已列KG指引,須由小朋友陪同家長帶着無知心態合唱。
溫馨忠告:童言無忌,童叟無欺!
Facebook:sunweibo_2012@hotmail.com
微博:Sun微博小店