政壇：政商定格：證券經紀擬罷市抗加時
港股成交冇好轉，實施第二階段加時又迫在眉睫。成立咗幾個月嘅證券及期貨從業員工會，將於下禮拜四喺中環發起遊行抗議，更揚言唔排除罷市，要港交所收回成命！
工會會長林德明形容抗爭唔係為咗半個鐘食飯時間，而係關乎到行業被「淹沒」，所以佢哋以「業界存亡，匹夫有責」嚟做遊行嘅主題。
全力支持工會行動嘅立法會議員王國興話，雖然唔排除罷市，但最希望都係港交所最終能聽取佢哋嘅意見，佢短期內會約見港交所主席夏佳理同行政總裁李小加，亦會約見財庫局局長陳家強，希望政府能介入事件，取消第二階段加時。咁大煲，真係要睇吓夏佳理同李小加點拆彈嘞。
面對證券同期貨業員工嘅連串抗爭行動，睇怕李小加都好頭痕。