政壇:泛民模擬初選壞iPad

泛民主派尋日喺港鐵站外為嚟緊禮拜日特首參選人初選進行模擬投票程序,點知用嚟投票嘅iPad一度上唔到網,班工作人員仲要搞咗成十分鐘至整番好,認真出師不利。

籌委會召集人鄭宇碩即刻出嚟解畫,話只係模擬投票,實際運作時就會冇問題。佢又三番四次強調所有票站已做過無線網絡測試,又話準備咗五架支援車以備不時之需。

鑑於社民連早前揚言會狙擊泛民嘅投票站,幫手嘅公共專業聯盟主席莫乃光就拍心口話籌委會一定應付到,必要時搵警察幫手。有人擔心要出示身份證可能會引起私隱問題,又話驚學生嘅電腦會畀人搶走,搞到莫乃光鬼咁無奈,最後發晦氣話今次投票只屬業餘性質,同政府嗰啲根本冇得比喎!

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!

泛民喺港鐵站搞特首參選人初選模擬投票,點知壞機。