政壇:劉鳴煒拒評同神童水戰

華置副主席劉鳴煒舊年年中喺山光道跑馬地會所游水期間,疑被前高官兼港交所前行政總裁「神童」鄺其志落水事件,成為政圈熱話,但劉鳴煒同神童恩怨有幾深,至今仍係個謎。

劉鳴煒尋日出席華置旗下商場活動時,見佢西裝骨骨,表現風騷,似乎心情未被事件影響,當記者蜂擁上前追問佢點睇「水戰」單嘢,佢似乎有備而來,不慍不火回應話:「今日淨係講華置!」記者再追問佢對馬會判罰神童嘅結果係咪滿意,佢都係話:「今日只講華置!」就連之後嘅傳媒午宴都缺席。咁又係嘅,一個血氣方剛嘅後生仔被個退咗休嘅長者咁搞法,唔想講都唔出奇嘅。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!

劉鳴煒只肯講樓市,拒評同鄺其志喺馬會會所嘅「水戰」風波。