保良局副主席Eric鄭錦鐘日前同三個孫仔過澳門度除夕,佢驚太逼人,決定二十八號等大家聖誕後開晒工,先至帶家人出發,連埋傭人一行九人,夠晒熱鬧。三個分別只有四歲、兩歲同九個月大嘅孫仔,搭船過大海時,難抵風浪搖晃,大叫頭暈暈。點知顧得大孫時,細孫又話要去廁所,忙到Eric氹氹轉,一度狼狽不堪。
一家人好唔容易抵達酒店,孫仔即刻醒晒,大孫同二孫睇見有套房泳池,二話不說剝衫跳入去。睇見孫仔咁開心,Eric話辛苦啲都係值得嘅。
攬住三個孫仔嘅鄭錦鐘一臉滿足。