政壇：李柱銘正宗冇膽漢奸
曾經自言「日日做漢奸」嘅白鴿黨創黨主席「李漢奸」李柱銘，曾經因為強推五區公投，畀已故支聯會創會主席司徒華話佢「唔識政治」，暗示佢冇腦。點知李漢奸尋日出席華叔安息一周年追思會時自爆，話自己啱啱割咗個膽，原來佢唔止冇腦，連膽都冇埋，正一係冇膽漢奸。
尋日係華叔逝世一周年，華叔屋企人舉行咗個追思禮拜，曾經畀華叔鬧「唔識政治」嘅李漢奸都有出席。華叔生前好朋友朱耀明牧師主持追思禮拜時就踢爆，原來李漢奸曾通知話唔會出席。
原來一直有膽石嘅李漢奸幾日前做咗個手術切咗個膽。佢尋日就陰聲細氣咁話，因為做咗手術，先諗住要喺屋企休息幾日，又懶風趣咁講笑話自己依家「由大膽變冇膽」喎。其實依家要割膽嘅話，只要透過微創手術喺腹部開三個細窿就做到，要休息咁耐，可能因為佢年紀唔細，所以小心保重喇。
「冇膽漢奸」尋日出席華叔追思會。