隆胸綁男友心得不償失

【本報訊】美容廣告過分渲染大胸等於美麗，給予女士錯誤訊息，令無自信心的女士利用隆胸建立自信，藉以留住男人心。心理學家稱這種表面化方法就算可留住男人的心，關係亦難以持久，批評女士「隆胸綁心」做法不智，更可能因付出太多，得不償失。

可靠衣着豐胸

註冊臨床心理學家鄒凱詩表示，有女人為愛情隆胸，但這做法太危險。「佢哋以為整靚外表，就可以留住男友嘅心，其實呢種觀念好錯，以為咁樣對方會愛自己多啲，其實呢種關係唔實在、唔會持久！另外，個女仔要承受隆胸嘅風險，佢付出咁多，如果男朋友唔愛佢，佢會好失落，甚至會自尋短見！」

著名形象指導張學潤建議，平胸女即使不隆胸，也可靠衣着豐胸，例如可靠戴Nude Bra或Push Up Bra：「可以谷起胸部嘅脂肪，或者喺個Bra度加胸墊又得！依家好多女仔都用。」

除使用胸圍改善外，張學潤表示還可以使用強力膠布，綁起胸部谷胸，但撕掉時就要承受皮肉之苦。