SUN世代:火麒麟周身癮 最愛讀書進修
楊全盛要兼顧公司和家庭,又要分身擔任十多份社會公職,比一般人忙碌得多。然而畢業至今十二年,他從未停止過進修,學位讀完一個又一個,他也自言「有讀書癮」。工作表排得密密麻麻,他有一套見解:「我永遠希望係由自己訂立目標,再由自己推動向前,而唔係被身邊嘅事物逼住自己去做。」
每人每日只有二十四小時,但在楊全盛手上,時間似乎可以搓圓撳扁,特別「見使」。「我經常跟同事講,假設你手上有一隻杯,先倒滿沙,就放唔到其他嘢;一定係將大石頭放入去,再用細沙『攝罅』。大石頭就有如大目標。」他興趣廣泛,上至跳傘、下至潛水,樣樣都試;又常做運動,心願是「五十歲時仲可以同個仔打籃球」。難怪他笑說:「我老婆形容我係一隻火麒麟,周身癮,『辣』到周圍火。」
自小喜歡電腦,驅使楊全盛投身IT業。(受訪者提供)
楊全盛興趣廣泛,對飲酒亦有研究。
中秋佳節,楊全盛與太太及兩名兒子賞月玩樂。