前晚有四十萬市民逼爆維港兩岸,一邊睇煙火一邊倒數迎接二○一二年嘅來臨,當晚喺金鐘某酒店嘅除夕派對,見到「九巴新抱」雷林靜怡一家五口、李嘉慧同趙式和等名人。身穿藍色tube dress、拖住囡囡嘅雷林靜怡,向現場記者話:「Happy New Year!」老公雷兆光則抱住另一愛女,而身穿灰色西裝嘅囝囝就好怕醜,不時匿喺媽咪身後,似乎有啲怕鏡頭。
雷林靜怡一家五口去除夕派對,囝囝似乎對鏡頭有啲怕醜。