政壇：政商定格：洪為民雙喜派對百人撐場
菁英會主席Witman洪為民上禮拜五大搞「雙喜」派對，提早慶祝四十三歲生日兼同老友預早迎新年，菁英會兄弟同IT界行家好友齊到賀，逾百人齊唱生日歌。Witman嘅新年願望係做博士，佢話月前諗住報讀人民大學法學博士課程，點知掛住競逐特首選委會IT界，錯過咗報名期，日內會再敲門，希望補到飛。
在場嘅廠商會候任會長施榮懷就換新眼鏡迎新年，原來佢舊嗰副眼鏡已戴咗六年，加上老花加深咗，一於使幾千蚊換新Look。副眼鏡似乎幾旺佢，事關今年工展會生意額較去年上升三成幾。有份喺工展會擺攤位嘅「燕之家」老闆白富鴻都豐收，燕窩較去年賣多兩成。
施榮懷（左）預告工展會生意旺爆，廖創興家族後人廖偉麟（右）都戥佢開心。
洪為民（中）牛一，菁英兄弟林智彬（左一）、施榮忻（左二）、楊華勇（右二）同盧金榮（右一）高唱生日歌。