政壇：政商定格：邱李茂琪禁室重見天日
靚太邱李茂琪今個聖誕願望成真，住所全屋外牆水渠嘅維修工程終於喺聖誕前完工，因為裝修緣故，全屋需要封窗長達十個月之久，令佢過住不見天日嘅密室生活，連畫畫都畫唔到，所以今年平安夜喺屋企搞派對時，佢同老公邱子傑都特別興奮。每年一對小朋友都會喺Boxing Day拆禮物，但今年就等得唔耐煩，佢笑住話：「因為今年我送畀仔女每人一部iPhone 4S，電話要早啲用嘛，等唔切。」咁老公送咗乜嘢聖誕禮物畀你？佢話：「唔好講，總之好重手，而我原本想買個有老公個名簡寫嘅鏈墜畀佢做禮物，但賣晒仲未買到。」
