身兼全國政協委員嘅金城營造集團主席王國強，同做董事嘅細仔Rex王紹恆都係讀建築出身，不過爸爸讀工程，囝囝就讀建築設計同美術，閒時都會去歐洲各地嘅藝術館取經。Rex話喺美國讀完大學後，有段時間喺西班牙工作，成為當地藝術館嘅常客，得閒就去參考吓啲建築設計，增加佢嘅創作靈感。
仍然係單身嘅佢有冇畀家人催婚？Rex話繼後香燈嘅任務已經有哥哥王紹基完成，而且覺得自己仲好後生，應該專注喺事業上面喎。
王紹恆鍾意去唔同國家嘅藝術館，參考當地建築設計。
