SUN世代：捨星途做美容 靚足一世

一個又一個巧合，都好像天注定，使李潔瑩（Nicole）與美麗結緣。她生於美容世家，長大後憑美人胚子選美，卻放棄闖星途，管理家族連鎖美容院。在她掌舵下，業務燦爛盛放，更瞄準商場為擴展目標：「總有一日，總有一間喺左近！」

小時候，天真的小女孩記着前輩的教導，細心地為客人潔臉， Nicole說：「嗰時好細個，放學會去舖頭坐，跟啲師傅學吓做嘢，不過我試過幫啲客洗面，緊張得滯手震，後尾畀人投訴。」

長大後的Nicole，亭亭玉立，在外國升學期間，她回港參選香港小姐，可是，步出舞台後，她選擇離開鎂光燈的照耀，建築另一條美麗大道，「我幫屋企手打理美容院生意。」昔日的小女孩，現已變成女強人，擔任連鎖美容院的總經理。

此時，美麗變成一盤生意。Nicole的公司是家族業務，根基穩固，但誰也知道守業比創業難，她明白贏就要有突破，「首先要搞清楚自己嘅優點、缺點。公司有啲嘢一定要執，首先係分店裝修！」原來，當時各分店都五顏六色，沒有統一色調，「依家全部都係深紫色，裝修都係相同格調，令人一眼就認得！」

為生意「性情大變」

還有，她又着力引入新儀器，令公司能與時並進，吸引新客。「除咗會去香港嘅美容展，仲會去南韓等地方嘅展覽，了解全球各地嘅美容科技發展，有時係頻撲，不過要成功，就要比人行快一步！」

公司發展方向、營運細節，她都一腳踢，更承認因此「性情大變」：「我以前好順攤，咩都冇所謂，但做生意唔可以咁，依家識得反抗、同人爭取，醒目咗！」現時公司已發展到有十七間商場分店，Nicole更決定繼續扎根全港商場，誓奪商場美容后冠：「一直有個概念，希望有一日，總有一間喺左近！」

不過，在達成終極目標之前，她又「花心」開展另一條路，就是慈善工作。由於前港姐身份，她加入由港姐組成的慈善團體「慧妍雅集」。但忙碌的總經理哪有時間做慈善？她反說正由於這份工作，她才學會如何運用時間，履行社會責任：「有時會去慈善舞會、賣月餅，甚至帶小朋友去迪士尼玩，其實我最希望有一日，當我事業再穩定啲，可以更有能力去做慈善，出錢出力，幫更多人！」

Nicole's Profile

現 職：儷凝美聚總經理

學 歷： 澳洲新南威爾斯大學文學士（主修日文、人力資源管理）

興 趣：搜羅美食

攝：吳啟偉