政壇：鄺俊宇寫政治小說銷政策
集元朗區議員、電台DJ同中央政策組委員會非全職顧問於一身嘅鄺俊宇，成日畀人一個開朗嘅形象，但原來佢讀書嗰陣試過長期被人排斥。佢讀中三時因成績唔好，差啲畀人踢出校，而且考咗六次會考至成功攞到五科合格。佢話政治人物唔一定要高高在上，佢亦都冇刻意塑造為民服務嘅形象。
鄺俊宇話希望可以用創意吸引更多人關注政治，佢喺facebook成立群組之餘，仲開始寫有關政治題材嘅小說。佢認為政治人物最緊要係識得講故事，所以佢希望成為小說家兼議員，利用故事推銷政策，而唔係好似其他政治人物咁淨係識嗌咪派傳單。
