政壇:朱繼陶話一屋多姓有段古
區議會選舉刮起種票風暴,有巴基斯坦籍人士登記嘅住址竟然出現一屋十幾姓,令人懷疑登記人資料嘅真確性。不過,香港鐘錶業總會主席Joseph朱繼陶就話一啲都唔出奇喎!
曾經喺恒生工作三十八年嘅Joseph話,以前有喺該銀行做保安員嘅巴基斯坦籍人士同佢講,巴籍人士來港搵食艱難,所以通常日間同夜間各做一份工,根本就冇時間返屋企瞓覺,所以成班同鄉夾份租一個單位,輪流上間屋度歇一歇,好似「掛單和尚」住廟咁,呢種情況好普遍,一屋十幾姓係真有其事。
佢仲話唔少人搬咗屋,都唔記得通知選舉事務處更改住址,咪搞到一個地址有幾個登記人資料囉,佢認為唔一定係種票嘅。
朱繼陶(左)話一屋多姓係真有其事,唔一定係種票。右為其太太朱鄧麗萍。