身為廿四孝媽媽嘅新民黨主席葉劉淑儀，每年聖誕都會喺百忙之中擠出時間，陪囡囡榮欣度假，共敍天倫，但佢話今年就好難出埠，事關今年係好年，唔少朋友都趁年尾拉埋天窗，多場婚禮佢都要現身祝賀，真係想遠行都唔得。
雖然葉劉唔可以離港太耐，但為咗把握陪囡囡嘅時間，佢話今年佢可能同囡囡去澳門玩一轉，反正澳門啲酒店又平又靚，唯一擔心嘅係訂唔到房啫。
冇去遠行，佢得閒關注吓世界大事，尋日佢就喺facebook分享《紐約時報》一篇報道，講到美國嘅少數族裔同美國女兵受虐嘅問題。