政壇：陳細潔認一個人兩頭家
前晚平安夜，新世界發展主席鄭裕彤現身君悅酒店慶祝聖誕，佢以西裝襯波鞋，打扮勁潮，且精神奕奕，心情大好。同場仲有九巴後人雷兆光夫婦、富二代莊家彬同鯊魚女Abbie陳細潔。
Abbie透露只係到酒店攞火雞同火腿返屋企作開聖誕派對之用，佢話：「我同十個朋友一齊交換禮物，我換咗個銀包，送咗個咖啡壺畀人。」而聖誕節當日，佢先帶愛犬郊遊，夜晚再同家人食飯，佢笑語：「我有兩個family，一個係家人，一個係狗狗家庭，兩個都唔可以忽略。」
Abbie又話兩個家庭已足夠佢忙，所以冇時間拍拖，雖然聖誕節有異性邀約，但佢都一一婉拒。
彤叔以西裝襯波鞋去開Ｐ。
陳細潔去酒店攞火雞同火腿開派對。