工程師狎借宿13歲女童

十三歲女童與母鬧交離家，到母親一名助理工程師朋友家借宿，豈料遭對方趁她熟睡時非禮，助理工程師早前認罪，昨在粉嶺法院接受判刑。被告求情時自爆與女友相識十年都無性行為，但裁判官嚴斥被告以為「食得唔好嘥，唔單止鹹濕，仲係貪小便宜」，並詢問到庭旁聽的被告女友是否「揀啱咗男人」；惟裁判官考慮被告已還押逾兩星期，最終判二百小時社會服務令。

二十九歲被告符致平承認一項非禮罪，他透過律師向事主X道歉，裁判官不禁當庭痛罵：「你梗係要道歉啦！佢（X）信你，你反而摸佢……佢當你係大哥哥，你食得唔好嘥，唔單止鹹濕，仲係貪小便宜。」被告捱罵狀似哭泣，裁判官揶揄：「你索鼻定係喊？我睇唔到有眼淚，使唔使畀紙巾你？」被告透露自己是助理工程師，但招反詰：「唔係受教育就人格高尚。」

與女童母為好友

被告的母親、胞姐和女友均有到庭支持，裁判官特別要求被告女友起身，然後對她說被告所犯等同不忠，叫她要考慮是否「揀啱咗男人」，被告女友聽罷雙眼通紅。被告再打出親情牌，透露自己二十一歲時雙親離異，裁判官再駁斥道：「有啲人十一歲（父母）就離婚……唔好搵阿媽過橋，太遲啦！」

案情指，被告與事主X的母親是多年好友，因此也認識X。今年九月十日晚，X與母親鬧交後離家，約被告與一名朋友傾談，之後隨被告到其大埔住所留宿。X的母親曾致電詢問被告，得知X在被告處留宿後大為放心。至清晨四時許，被告隔着衣服撫摸X的胸和私處，再從後以下體揩擦X的臀部，正在熟睡的X被侵犯五分鐘後醒來，喝停被告後立即離開，並致電母親報警求助。

案件編號：FLCC 2940/11