City Parade：港大百歲壽宴
港大一百歲生日！百年風雨百年情，點滴是回憶。會展星期日有個盛大Party，逾五千校友、政商名流，逼爆會展。港大包晒新舊兩翼擺壽宴，衣香鬢影，座無虛席。利孝和夫人千金利蘊珍牽頭成立嘅「運動燃希望基金」正式成立。早前喺君悅搞咗個晚宴，答謝逾百好友熱心支持。
謝安琪唱校慶新歌
歌星謝安琪唱出校慶新歌《明我以德》，十分賣力。
梁智鴻夫婦齊賀壽
港大校董會主席梁智鴻夫婦（左二及三），與中策集團主席馬時亨千金馬露明（右一）及未婚夫Kevin（左一），齊祝賀港大百歲壽辰。
徐立之許廷鏗笑容滿面
校長徐立之（右）與正在港大讀牙醫的歌手許廷鏗狀甚老友。
梁高美懿難忘那些年
恒生女大班梁高美懿（左）難忘當年同老公喺港大荷花池拍拖嘅甜蜜日子。
張永霖拖妻滿場飛
港大專業進修學院董事局主席張永霖（左）與太太Silvia（右）滿場飛打招呼，心情靚爆。
名媛靚太畀面撐場
利孝和夫人（中）與富豪郭炳湘太太郭李天穎（右），及社交名人李桂蘭（左）賞面撐場。
利蘊珍囡囡返港打氣
利蘊珍（左）搞活動，千金Alexandra（右）專程由英國返港，為媽咪打氣。
郭少明夫婦有影皆雙
莎莎老闆郭少明夫婦有影皆雙。