博愛醫院日前舉行年度慈善餐舞會，董事局一眾善長空群而出，型男美女雲集逼爆現場。當晚主題係太空漫遊，主席Henry湯修齊同候任主席潘德明最有心思，成身銀灰色閃爆裝扮，似足來自外太空嘅紳士。
現場仲有兩位高大型男備受矚目，佢哋係總理現代美容集團主席曾裕嘅老公李守義，同埋從事貿易及地產投資嘅總理趙瑤老公林辰峰。婚後定居香港多年嘅台灣知名歌手張清芳亦現身同樂。眾人載歌載舞，玩到High爆。
曾裕夫婦（右一、二）同趙瑤夫婦（左一、二）嘅俊男美女組合，靚絕全場。
湯修齊夫婦同一對子女溫馨合照。
