政壇：小朋友為條龍摸張建宗
勞工及福利局局長張建宗日前探訪保良局總部，了解保良局嘅兒童住宿照顧服務，仲同一班小朋友提早慶祝聖誕節，一齊玩遊戲、派禮物，非常之溫馨。當日班小朋友對張建宗表現得好熱情，由頭摸到落腳，但並唔係因為佢受歡迎，而係畀佢扣喺件西裝褸上嘅飛龍襟章吸引住啫。個個小朋友見到佢，都忍唔住要摸吓個襟章。
見班小朋友咁鍾意個襟章，張建宗當場拍心口應承，之後補送番畀佢哋。守承諾嘅佢一返到寫字樓，即刻自掏荷包叫同事買襟章，但考慮到個襟章好睇未必好玩，佢靈機一觸，送襟章之餘仲加送一張精美嘅飛龍印水紙，相信一定會氹到班小朋友好開心啫。
小朋友對張建宗心口上面個飛龍襟章好感興趣，個個都伸隻手出嚟摸吓。