政壇：吳明欽囡囡撐鐵頭仁
白鴿黨主席「鐵頭仁」何俊仁尋日搞咗個特首政綱發布會，搵到五位嘉賓輪流發言以示支持，當中有一個好陌生嘅名字叫吳思諾，直到上台嗰一刻，大家立即眼前一亮，係個80後美女。後來先知原來佢係白鴿黨已故立法局議員吳明欽個女。
吳明欽喺九二年因血癌過身，據思諾所講，鐵頭仁對佢一家有情有義，每逢過時過節都搵埋佢哋食飯，又話細個時覺得好奇怪，明明鐵頭仁成日上電視，但點解成日都咁得閒去探佢哋呢？直到大個，先知呢份係鐵頭仁對佢父親嘅感情。思諾憶述，每年爸爸死忌，鐵頭仁都同一班屯門街坊去拜祭，拜祭時講得最多嘅就係「民主」呢兩隻字，佢亦堅信呢份對吳明欽嘅感情。
吳思諾喺鐵頭仁政綱發布會上致詞打氣。