基層童自製薄餅聖誕分享愛

【記者黃芷君、何穎賢報道】獨樂樂不如眾樂樂，在普天同慶的聖誕佳節，為讓小朋友同享入廚樂及感受節日歡愉氣氛，太陽報愛心基金、東方日報慈善基金與TOM集團首次合辦「飛扑．Love愛心熱點齊FUN享」，與二十名來自基層家庭的小朋友共享充滿意大利氣息的聖誕節，透過薄餅製作及成品分享，將愛心傳揚開去。「聖誕節對小朋友嚟講係全年最開心嘅節日，好想同一班小朋友一齊過呢個普天同慶的日子，等佢哋感受到聖誕氣氛，同有機會接觸多啲社會！」TOM集團旗下《飛扑》總裁余穎德希望透過小朋友製作薄餅，將心意帶回家與家人分享，實踐《飛扑》將吃喝玩樂與人開心分享的目的。余又特別感謝太陽報愛心基金、東方日報慈善基金及Pizza Express的支持，令活動得以順利進行。

Pizza Express提供場地

為是次活動提供場地的Pizza Express品牌經理雷允豪指，薄餅一向予人溫暖的感覺，希望能藉是次活動，透過薄餅溫暖人心，「好想透過薄餅製作呢個活動，將佳節嘅溫暖由小朋友嘅笑聲帶番去畀啲屋企人！」雷盼有關活動能得以延續，將這份心意傳給更多小朋友。

姵妏、姵岐及卓瑤三姊妹因父母離異，自小就與母親相依為命，姊妹間感情特別好。礙於家境清貧，三姊妹坦言從未享用過聖誕大餐，對於首次與一眾小朋友於充滿意大利氣息的餐廳預先歡度聖誕，三人不約而同以「好開心！」形容。老么卓瑤雖年僅七歲，小腦子卻充滿幻想，在製作薄餅過程中，不斷指着薄餅直呼「薄餅係三角形，啲腸係圓形但又似波波，好似聖誕樹！」並再三重申要將親手製的薄餅與媽媽分享，「我要將個薄餅收埋做聖誕禮物，等媽媽返屋企嚟畀個驚喜佢！」

香港社區組織協會主要為低收入、單親家庭及新移民服務，該會幹事施麗珊坦言是次活動能令小朋友大開眼界，「小朋友好少機會去玩同見識，今次活動可以等佢哋擴闊眼界！」施麗珊希望類似活動可繼續舉辦，令更多小朋友同享此機會。