SUN世代：千金小姐從工廠妹做起

一顆璀璨耀目的鑽石，經過多番打磨，才能綻放美麗。莊士集團太子女莊家蕙，自小生活無憂，但她堅拒做一名「印印腳」的千金小姐，而去工廠區做「打工仔」，歷練過後才返回公司打江山。為家族，她費盡心力，成績有目共睹。

天之驕女回巢，不是做高層，而是做「工廠妹」。莊家蕙在美國學成歸來後，順理成章回家族公司幫手。家業做印刷，她第一個任務就是到荃灣印刷廠返工，「打單、跟單、同外國客戶聯繫，咩都要做。」工作上要由低做起，但她毫無怨言，更特別珍惜那一年的經驗，「雖然做嘅嘢好刻板，不過學到好多嘢。成間廠咁大，每個工序同角色都好重要，少咗其中一個步驟都唔得。」

重視團隊深得人心

之後，莊家蕙由荃灣工廠區返回中環區，歷練依然不斷。她接任莊士中國投資執行董事後，主力負責內地地產市場，經常要中、港兩邊走。「內地有好多新樓盤，平均每星期有三日要上去。」工作雖然奔波，但為見家人一面，莊家蕙有時寧願辛苦自己，「夜晚收工之後落返香港，第二朝一早再返上去。」

驟看莊家蕙這幾年的生活，一點也不像富家女，性格亦然。每遇到不明白的地方，她總會虛心向人請教，盡顯其爽直一面，「我咪直接同佢哋講：『雖然我係老闆個女，但咩都唔識㗎，要請大家多啲教我。』哈哈！」這名太子女深得人心，與同事關係融洽，更不時相約唱K，「一個project成唔成功係靠成個團隊，teamwork好緊要，有咩事就一齊孭。」

油畫榮登雜誌封面

三年前，莊家蕙從父親手上接掌古董拍賣生意，原來她自小就跟藝術有莫大淵源。父愛瓷器，母愛中國傢俬，「好細個已經跟佢哋去拍賣會。」耳濡目染下，莊家蕙對古董亦情有獨鍾，「每件古董都有唔同嘅故事，佢哋嘅價值唔在於賣幾多錢，背後嘅歷史價值先係最珍貴。」

不說不知，莊家蕙大學時主修藝術，第一幅油畫更被音樂老師「睇中」，「老師話好靚，仲叫我賣幅畫畀佢。」雖然油畫沒賣出，後來卻成為學校藝術雜誌的封面，「嗰次令我好有成功感，所以決定讀藝術。」其後，她又在某國際大拍賣行當見習生，令她現在打理拍賣生意時得心應手。她更將新作風帶進古董拍賣業，銳意令它變得更年輕。