今年A股表現曳，唔少名人嘅身家或多或少受到影響。舊年四月上市嘅合眾思壯，因為得到移動長城姚明揸重貨而備受關注。呢幾年姚明經過公司改制同派股，持股量已增至81萬股。不過合眾思壯嘅股價係咁跌，舊年底每股仲有43.37元（人民幣．下同），到尋日就算升停板，都只係淨番27.18元。
其實姚明帳面仲係賺，但一年嚟就賺少近千萬元。好似著名作家余秋雨，十年前獨具慧眼買咗徐家匯嘅原始股，佢揸嘅股份明年三月可以解禁，但徐家匯今年跌破底價，所以余秋雨帳面即刻賺少近2,000萬元咁多。
合眾思壯股價係咁跌，姚明帳面賺少近千萬元。
