政壇:何明懿閃電嫁湯聖明
現年四十九歲嘅何明懿係賭王何鴻燊姻親、富商何壽南次女,佢將與現年五十四歲、喺蘭桂坊同尖沙咀擁有多間餐廳嘅「飲食大亨」湯聖明結婚,佢哋喺本月八日正式入紙排期結婚。何明懿曾經同希慎興業第三代後人、利孝和夫人姪仔利子厚拍拖二十年,最終舊年暑假分手收場。直至今年五月十九日喺李嘉欣兒子百日宴上,何明懿同湯聖明一齊到君悅酒店飲喜酒,先公開情侶關係,如今拍拖不足一年就決定結婚,仲定喺明年一月十五日假君悅酒店行禮。據知,湯聖明係何家世交,亦係中國首名癌症醫生湯于翰、中國影后陳雲裳嘅仔。