政壇：玩具大王孫女搶同學玩具

有六十三年歷史嘅港九潮州公會新一屆會董尋日就職，要數全場人氣最旺，莫過於公會永遠榮譽會長、東華三院前主席阿John馬鴻銘喇！事關佢屋企人空群而出，太太蔡加敏、三歲半嘅大女Chelsi同外父「玩具大王」蔡志明亦都嚟撐場。心情靚絕嘅蔡志明笑稱女婿係細佬添！

阿John提起大女同一對龍鳳胎就好開心，尤其是一對細B，雖然湊時雙倍辛苦，但開心亦係雙倍。大女Chelsi依家喺外婆蔡李惠莉做校監嘅安基司幼稚園返學，蔡太曾經讚孫女好乖，但阿John就成個嚴父咁款，話Chelsi好霸道，會搶同學仔嘅玩具，而且牙尖嘴利，仲話乖？

在場仲見到亞洲金融集團主席陳有慶嘅大仔陳智文，佢有個藝術天分高嘅囡囡陳曉鈴，陳有慶太太對呢個孫女讚譽有加，早已揚聲準備搞一場祖孫三代慈善畫展，作為慶祝兩公婆結婚六十周年紀念。