聖誕在即，城中好多人都諗定旅行大計，身兼香港大學校務委員會主席嘅梁智鴻都計劃月尾會同太太馮令儀飛去斯里蘭卡玩四日，此行除咗金刀梁夫婦外，仲有囝囝及一大班老友同行，佢哋打算睇吓當地嘅名勝古蹟喎。
講起放假，梁太自爆今次旅行係佢逼梁智鴻請假，事關梁智鴻今年忙到甩轆，成年都未放過大假，係時候要好好休息吓囉。雖然太太話逼佢，但金刀梁笑得咁開心，一啲唔願意都冇。佢哋嘅囝囝從事酒店業，成日都唔喺香港，一個月見到一次已經好好，所以今次大家同行，更加開心到痹。
梁智鴻（左）被太太馮令儀（右）逼放聖誕假。
