政壇:陳晴快榮升大熊貓外婆
唐裝別具韻味,聯合國兒童基金香港委員會主席陳晴(Judy)都係中國風擁戴者,日前Judy着住台灣名牌時裝「夏姿」出品嘅中式織錦長袍外套出席活動,驟眼望落去好傳統,卻又不失現代感,令Judy變身為新潮時尚嘅中國娃娃。
Judy都係忠實擁躉,佢話好欣賞夏姿嘅設計及刺繡做工十分精緻,布料質感又好,令佢愛不釋手。夏姿堅持將東方美學融入西方剪裁工藝,設計細膩,出品都係精品,難怪備受中港台靚女明星喜愛。Judy仲透露,佢助養嘅大熊貓女晴晴已有男朋友,係時間開枝散葉,佢希望明年可以升格做外婆喎!
陳晴着上夏姿中式織錦長袍外套,變身中國娃娃。
夏姿嘅設計夠晒細膩,刺繡做工媲美藝術品。