政壇：KK忙爆踩到明年底
工聯會喺啱啱結束嘅區議會選舉中贏得漂亮，會內已經將目光聚焦明年嘅立法會選舉，立法會雖然放聖誕假，但工聯會嘅立法會議員黃國健（KK）卻話，今個聖誕要繼續工作，唔會離港旅行。
KK話未來一段時間將會好忙，聖誕都要留港，一方面部署明年嘅立法會選舉前期工作，選舉工程之外，工聯會遲啲又會邀請幾位特首候選人出席論壇，到時啱啱忙完特首選舉，四月工聯會又要舉行換屆工作，身為工聯會副會長嘅佢都唔敢諗放假。四月之後，立法會選舉工程已經如火如荼喇，所以佢都唔認為自己有得放暑假，估計要到明年底先可以放大假抖抖。