政壇：選委女神無厘頭上陣
循「民福60」名單以二千幾票高票當選選委嘅碧樺依（Raees），一張俏麗面孔引來好多關注，被封為「選委女神」嘅Raees尋日出席一個電台節目時話，事前根本冇諗過參選，當初只係諗住同「民福60」團隊傾吓政綱、畀吓意見，點知「原來一坐低就係要參選」，點解過程好似畀人擺上枱咁？Raees樣貌甜美，團隊爭住搶人唔出奇噃！
Raees又話，作為一個相信民主嘅泛民主派人士，其實絕對唔應該支持呢啲小圈子選舉。不過，唔選都選咗，Raees都話依家可以做嘅就係透過今次選舉，為本港少數族裔人士發聲，爭取人權喎。
「選委女神」碧樺依參選社福界選委，原來係畀人擺上枱嘅。（資料圖片）