政壇：菁英派對生力軍登場
菁英會前晚喺陽明山莊會所開Party，多位菁英生力軍登場，當中包括立法會議員梁劉柔芬千金Nisa林梁穎宇、莎莎老闆郭少明女婿Davis陳振邦，仲有馬會大董葉澍堃公子Ian葉瀚華等。
派對以Bling Bling閃爍為主題，身為晚宴籌委會主席嘅Davis，拖埋懷有身孕嘅太太Melody郭詩慧撐場。Davis除咗係「莎莎駙馬」，仲係威威洗衣粉太子爺，平日兼顧兩邊生意。喺史丹福大學讀完MBA嘅Nisa，似足媽媽咁能幹，正幫手打理家族醫療生意。Nisa話依家喺上海擁有腫瘤醫院、大型牙科連鎖診所同生物醫藥公司，生產糖尿病藥等，總投資額高達十億美元。
梁劉柔芬千金林梁穎宇(右)加入成為菁英會生力軍，主席洪為民(左)表示歡迎。
「莎莎駙馬」陳振邦穿上D&G紅白格仔西裝，型爆全場。