政壇：陳諾恒童年志願做港督
每個人細個都應該寫過「我的志願」，來來去去都係醫生、律師，但原來80後沙田候任區議員Chandler陳諾恒嘅志願，係要做港督。
Chandler話細個睇電視嗰陣覺得港督好有型，可以管治香港，出街又有成班記者圍住佢訪問，於是就同媽咪講話想做港督。點知媽咪即刻一盆冷水淋落嚟，話佢唔係英國人，唔可以做港督，搞到佢有啲失望。
至於會唔會想喺政治舞台上更上一層樓，Chandler話現階段最緊要做好地區工作，有人會比自己更加適合做超級區議員。佢仲話作為年輕人首要識得say no，唔係話高層壓落嚟就要吹雞埋位，要有自己嘅諗法喎！
陳諾恒曾經希望做港督，但好快就畀媽咪打沉。