政壇：政商定格：青聯派對兔女郎滿場飛
為配合「開心卡通」嘅聖誕派對主題，香港青年聯會一班兄弟姊妹前晚齊變身可愛卡通人物，賢慧社主席羅詠詩扮小熊維尼，副主席林玉茵就扮兔女郎，仲有各種趣怪動物卡通造型帽子滿場飛。
青聯主席葉振都、副主席霍啟剛、林亨利同阿Ken朱鼎健等骨幹滿場飛打招呼，同場仲有常董霍啟山同吳景瀚、前主席陳仲尼同顧問李宗德。晚會仲有幾位玩得好盡興嘅小豆丁，包括青聯常董邱達根囝囝邱華昊、前主席許華傑囝囝許懷熹同常董蔡敏思囡囡梁凱翹等，佢哋喺會場表演唱誦詩，大方又淡定，得到台下哥哥姐姐熱鬧鼓掌。
青聯一班兄弟姊妹齊齊歡賀聖誕，陳仲尼（左起）、蔡敏思、會董王麗文、楊全盛、羅詠詩、林玉茵、葉振都、朱鼎健。
霍啟山（中）畀兩位主持人夾咗上台玩遊戲，依然笑容滿面。