利孝和夫人女兒利蘊珍為慈善做運動，尋晚佢出席「運動燃希望基金」活動，母親利孝和夫人同利承武都有捧場。籌款成績點呀？佢話：「我都請咗百幾個朋友支持，依家籌到七位數字，希望愈多愈好啦！我想幫香港有需要嘅小朋友，始終香港人要支持番香港人嘛！」佢二月將會同班受惠嘅小朋友一齊跑馬拉松，依家要開始練習。咁仔女有冇參與慈善活動？佢話：「佢哋喺外國讀書，但佢哋都好鍾意運動，而且學校都有慈善做。」
利蘊珍為慈善做運動籌款，希望幫香港有需要嘅小朋友。
