香港駐台灣嘅香港經濟貿易文化辦事處下星期就會運作，辦事處主任阿John梁志仁等一行八人今日赴台。雖然話係去做開荒牛，但佢一啲都唔介意，除咗因為升職外，最主要係佢太太係台灣人，可以同親友團聚真係一舉兩得。不過，依家貿發局同旅發局喺台灣都有辦事處，呢個台灣姑爺去到台灣可以做啲乜，連佢都講唔清楚。
除咗喺法國留學嘅大仔外，阿John會帶埋太太同十四歲嘅細女過台灣。
辦事處暫時喺台北地標101大樓辦公，但永久會址仲物色緊，估計明年三月開幕，每年營運開支要二千萬港元。
梁志仁今日起赴台擔任經貿辦主任。
