政壇：羅寶文享受單身自由
名媛羅寶文尋日出席慈善義賣活動時表示，自己都有捐贈名牌手袋同服裝作義賣，佢話：「我本身唔買名牌，大多數都係朋友用！」問到聖誕點慶祝，佢話同家人一齊慶祝，仲話冇男友添！冇人追你？佢就話：「人揀你、你揀人，感情要講緣分，我唔心急，好享受自由，但如果緣分到，唔抗拒。」朋友有冇做媒人？佢話：「唔多，因為我唔係好想識新朋友，相睇就太老土喇！」
其後，佢話同分外老友嘅陳志雲有聯絡，坦言志雲去遊學已決定咗好一段時間，問到係咪鼓勵佢離開無綫，佢話：「唔好咁講，朋友作任何決定都會支持，其實佢係人才，做乜行業都有大成就，通常成功人都唔會滿足現狀。」
羅寶文話會同家人一齊慶祝聖誕。