政壇：潘佩璆為工作焗用iPhone
愈嚟愈多人用智能手機，就連實幹型嘅工聯會立法會議員潘佩璆，最近都忍唔住手出咗部iPhone 4S，一嘗智能手機嘅威力。潘佩璆話，其實佢一直都用開智能手機，呢次轉用iPhone純粹因為工作需要，焗住用，同潮唔潮冇關係。
日前喺立法會見到潘佩璆攞住部iPhone篤吓篤吓，原來佢喺兩個禮拜前出咗部32GB嘅黑色iPhone 4S。佢話用開HTC嘅智能手機，但因為喺醫院返工，必須要以推送方式收取醫院嘅電郵，但當用部舊手機設定推送電郵時，部手機無喇喇壞咗，重裝再搞都係唔掂，所以咪換機囉。
用咗iPhone冇耐，佢已經適應得好好，仲推介兩個功能，一個係聲控打電話，另一個就係地圖，前者方便佢用口講就打到電話，後者就方便佢搵路。點解呢兩個功能好啱佢用？因為佢係揸車嘅囉！
設計圖片