政壇：劉明康做中山大學教授
中銀監前任主席劉明康退下火線後，曾透露得閒就整理吓畫作、湊孫為樂，不知幾享受退休生活。但根據最新消息，佢已確定為內地作育英才，過完年後就去教書。
能夠請得郁劉明康嘅就係中山大學，仲已經正式受聘做教授，同擔任中山大學嶺南學院嘅名譽院長。由明年春季開始，佢會喺大學向學生傳授有關國際金融監管嘅知識。
劉明康上禮拜曾經去中山大學演講，分析吓當前嘅經濟形勢。佢講明美國嘅銀行危機未解決，一定會捲土重來，加埋歐債危機，全球嘅局勢仲會惡化，而發展中國家冇可能置身事外。但係佢都睇好發展中國家喺未來五年對全球GDP增長嘅貢獻度一定會提高。
