政壇:江明熙悟無常樂助人

依家做醫生壓力大,忙到氣都咳,但對於香港醫療專業人士協會(醫專會)創會主席Bernard江明熙嚟講,就算再忙都要幫人。佢本身係港島東醫院聯網社區服務副總監,行醫多年,見盡生離死別,創立醫專會,緣於兒子去世,令佢真正感到生命係何等脆弱。

Bernard回想當年一對孖仔出世嘅不幸事,大孖出世三日就夭折,佢喺生死註冊處內,一邊為大孖申領死亡證,一邊替細孖申領出世紙,百感交集。嗰刻佢學會施予同珍惜,三年幾前成立醫專會,同善心醫生及護士齊做義工,不時到廣西為民工義診。

醫專會嚟緊又有一連串助人計劃,Bernard預告該會將資助低收入人士補牙、剝牙等牙齒護理,估計受惠人士可達二千人,明年亦會舉辦千人盆菜宴,與眾同樂。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!

江明熙(右二)帶隊到廣西為民工義診。(江明熙提供)