Line女踏上援交之路

沉寂一時的色情電話近期變陣經營，以「在家工作」廣告吸引年輕「靚聲女」隨時隨地用手提電話「傾偈」，更以賺快錢作招徠。本報直擊多間玩Line公司，發現受僱Line女不乏大專生及留學生，而玩Line男士更是專業人士、公務員，甚至城中富豪，有金融才俊更月花五萬元玩Line，沉溺其中不能自拔。資深社工指出，少女一旦為賺錢玩Line，最終可能會為錢而踏上援交之路。

「同啲熱線朋友傾偈啫，乜嘢要求都冇，純正傾閒偈，你試吓，做一日唔做都有糧出。」二十多歲賦閒在家的港女阿玲日前致電Line公司求職，隨即被負責人Ada招攬，無需上班，聽到電話便可賺錢，但表明交談內容有色情成分。兩、三句交談後，她即時安排阿玲試工，更指「傾偈好容易賺錢。」

「有人做到五十歲」

此外，Line公司近期大肆招兵買馬，記者佯裝試工，直擊其中一間玩Line公司的工作實況。該公司位於新界一間工廈，裝潢與寫字樓無異。該公司主管Vivian指，Line女每日返十小時，底薪一千元及勤工獎五百元，其餘薪水按分鐘「出糧」，分鐘多可跳薪，每分鐘由一元二角至兩元二角，「呢度嘅人基本上可以出到一萬蚊人工，有人可以有兩萬幾，睇你自己，份工唔分年紀亦都唔睇學歷，有人做到五十歲。」

有關公司收費絕不便宜，由每分鐘六元至十元不等，據悉，光顧的客人不乏專業人士，包括高級公務員、金融才俊、會計師及生意人等，年齡介乎三十歲至六十多歲之間。

循道衞理楊震社會服務處預防青少年援交計劃主任謝紀良表示，少女一旦為賺錢玩Line，有機會逐漸將自己的身體界線、道德界線放低，最終可能會為了金錢踏上援交之路。