港鐵行政總裁周松崗做埋月底就退休，明年一月起由前紐約大都會運輸局主席韋達誠接任，港鐵尋晚喺跑馬地馬場廂房搞咗場榮休兼履新酒會。周總話，任內最難忘就係上任初期遇上金鐘站發生嘅車廂縱火案，仲有搞咗四年嘅兩鐵合併。
周總又話一切工作完後可鬆一口氣，退休後最重要係多啲陪老婆去飲茶喎，因為以前連飲茶撐枱腳嘅時間都冇。至於候任行政總裁韋達誠就話佢作為港鐵新人，好多謝周總嘅幫忙，畀咗好多專業意見佢，好似帶佢去馬場賭馬，教佢輸咗唔使傷心，因可以做善事喎！
周松崗（右）同接任人韋達誠（中）一齊祝酒，答謝大家支持。
