SUN世代：3條1結婚一樣Sweet

「修身，齊家，治國平天下」，是嚴子杰的最佳寫照。二○一一年，是他人生重要的一年，事業漸上軌道，亦快將與一直在背後默默支持他的女朋友共諧連理，「原本我哋打算四條一嗰日結婚，但最後book唔到個期，所以揀咗十二月十一號」。

雖然未能如願，但無礙他對女朋友「一生一世」的承諾，「同女朋友拍咗幾年拖，佢係個好女仔，亦係可以共度一生嘅伴侶，所以決定求婚。」說起女朋友，嚴子杰顯得特別害羞，其實緣分早已鎖定兩人。嚴子杰和女朋友同樣曾在英國讀書，但當時兩人卻未有機會認識，直至回港後，在朋友介紹下相識，墮入愛河。

女朋友在國際銀行工作，兩人不時會一起討論經濟市況，加上志趣相投，同樣熱愛慈善工作，非常合拍，「我哋兩個都好鍾意睇戲，一放假就會去戲院或者買碟返屋企睇，有時仲會一齊去做義工」。