政壇:施榮忻細女食明治奶粉

日本明治「大仔奶粉」日前被驗出含放射性物質,原來百仁基金主席Jaime施榮忻十五月個大嘅細女都係食呢隻牌子奶粉,一聽到新聞後真係晴天霹靂。佢話每次幫囡囡入貨都係一箱箱咁買,咁啱前日發覺奶粉存量所剩無幾,準備再入貨之際,就聽到啲奶粉出事,隨即檢查屋企存貨嘅生產序號,好彩唔係受污染嗰批,但為穩陣起見都即時停食呢隻奶粉。

佢話依家轉用美國品牌嘅奶粉,雖然囡囡可能會唔適應,但咁啱囡囡開始食糊仔,所以應該問題唔大嘅。咁會唔會帶囡囡去驗身?佢話要掌握多啲資訊先決定。

「Money18免費即秒股票報價網站」現推出8升級功能,財經資訊,實時實發!

囡囡都係食日本明治奶粉,搞到施榮忻同太太Jaymee相當緊張。