政壇:阿人讚電視劇幫到工黨

近期一套大熱嘅電視劇論盡本港政治生態,劇中藝人林保怡飾演嘅工運領袖,造型似足職工盟立法會議員李卓人,拍住劉丹飾演嘅疑似劉千石搵食。阿人話好多朋友都叫佢睇呢套劇,仲建議佢邀請林保怡出席稍後舉行嘅工黨成立典禮,不過當阿人知道林保怡喺劇中連朋友嘅肉都食嘅時候,即刻打咗個突,仲猛耍手擰頭咁話:「我冇食過!」

阿人話只係睇過一、兩集,但發現劇中嘅工會環境同職工盟一樣咁惡劣,所以套劇都算係幾真實。不過,佢坦言喺呢個時候推出呢套劇,真係幫到工黨製造話題,至少可以話畀公眾聽,工會係幫到工人嘅。

「Money18免費即秒股票報價網站」現推出8升級功能,財經資訊,實時實發!

阿人話唔知道林保怡喺電視劇內食朋友嘅肉。